Mapati kay ayhan kun may yara sang isa ka lalaki sa kalibutuan nga may 16 ka asawa, kapin sa 100 ka mga kabataan kag masobra 140 ka apo? Sa karun nga panahon, madamo sa mga lalaki ang nabudlayan mag-umpisa sang pamilya kun sa diin bisan magpadako sa duha ukon tatlo ka bata ang mabudlay na para sa ila.
Apang may lalaki man kaangay kay Mzee Ernesto Muinichi Kapinga nga nagdedikar sang iya kabuhi nga mapalapad ang iya pamilya.
Ang African man nga si Ernesto ang nagapuyo sa Tanzania.
Siya ang sa karun may 16 ka asawa, 104 ka bata kag 144 ka mga apo.
Suno sa iya, siya gintugyanan sang iya amay nga palaparon ang ila angkan tubtob nga nagdangat sa 20 ang iya asawa apang may yara sang naghalin kag nagtaliwan, kag sa karun 16 ang nabilin sa iya kun sa diin pito diri ang mag-ululutod.
Ini matapos nanugid ang isa ka utod kun ano ka maayo nga klase sang bana si Ernesto kag amo man nga luyag ini maeksperyensyahan sang iya mga utod.
Wala naman sang isa sa iya mga asawa ang nagapangimon.
Aminado naman si Ernesto nga kun kaisa nagakalipat ini sa pangalan sang tanan niya nga bata kag apo.
Suno sa iya kapin sa 50 ka pangalan lang ang iya madumduman kag iban iya nalang nagakakilal-an kun makita niya.
