Ginhold-up, ang isa ka law office sa atubang sang cyber center sa ciudad sang Bacolod kun sa diin nakuha ang P2500 nga cash.
Sa interview sang Bombo Radyo Bacolod sa wala nagpakilala, ang legal staff ang nabilin sa law office sang ini ang ginsulod sang kawatan.
Ginpahayag sang nainterview sang Bombo News Team nga suno sa legal staff, may nagsulod nga isa ka lalaki kag ginpangita ang isa ka persona bangud may yara ini sang parcel kag may balayran nga P10 mil.
Nahibaluan nalang sang abugado nga ginkawatan ang opisina sang nagchat ang legal staff sini gani nagbalik siya gilayon sa opisina bangud naglakat ini agud nga magpangape.
Isa pa sa ginpangita ang anay legal staff didto gani nakasulod ini kag naghatag man ini sang cellphone number sang ginpangayuan sang staff bangud wala didto ang ginapangita, ipadal-an lamang siya sang mensahe kun yara na ang ginapangita.
Sang pagsulod na ang kawatan, wala man ini nagdeklarar sang hold-up apang nagpang-ukay na ini samtang ginataya ang wala mahibaluan nga armas-luthang kag indi man matumod nga matuod ukon peke bangud ginatabunan niya ini.
Kalakip sa gin-ukay amo ang bag sang abugado kun sa diin nakasulod ang mga gadgets sini nga ginalakipan sang laptop.
Wala man sang suspek ginkuha ang gadgets apang ang nakita sini sa drawer nga P2500 cash ang ginkuha.
Isa man sa ginpangita sini ang itom nga envelope nga masami ginadala sang staff.
Suno sa staff ang suspek ang amateur sa paghimo sang nasambit nga krimen.
Wala man ini gilayon naka gwa sa nasambit nga opisina bangud nakadouble lock ang pwertahan kag ang staff pa ang nagbukas kag nagsinggitan bangud sa kakulba.
Indi man makilala gilayon ang suspek bangud nagahelmet ini.
Suno pa sa nainterview sang Bombo News Team, indi ini una nga kahigayunan nga may ginkawatan sa nasambit nga lugar bangud sang tinalikdan, ginkawatan man ang isa ka law office sa bahin sang Libertad.
Nakapangaman naman ang yara law office bangud una na nga ginpaandaman siya sang amigo man sini nga police nga target sang mga hold-uper ang kaangay nila nga opisina gani nakadouble lock ang pwertahan.
Ginalantaw nga gamiton sa paggamit sang ginadumilian nga druga ang kwarta nga nakuha sang suspek bangud kun tinutuyo sini nga magpangawat, ginkuha sini ang gadgets nga yara sa bag nga gin-ukay sini.
