Nadevelop na bilang Bagyo ukon Tropical Depression ang Low Pressure Area nga ginamonitor sa gwa sang Philippine Area of Responsibility.
Ini ang ulihi nga nasiplatan sa 2,085 km sa nasidlangan sang Eastern Visayas.
Dala sini ang kabaskugon sang hangin nga nagadangat sa 55 km/h kag pagmadlos nga tubtob sa 70 km/h, kag ini ang nagahulag padulong sa nakatungdan nga dereksyon sa kadasigon nga 15 km/h.
Ginalantaw nga ini ang magasulod sa PAR bwas sa gab-i ukon sa Domingo sang aga.
Sa pagsulod sa PAR, ang Bagyo ang hatagan sang local name nga Bagyo FRANCISCO.
Samtang yara sa Philippine Sea, ginalauman nga ini ang magaliko sa northwestward nga dereksyon sa Miyerkules padulong na sa Southern Japan.
Ginalauman nga magasanyog pa ang bagyo kag mangin Tropical Storm karun sa hapon, kag magadangat sa Typhoon category sa Domingo.
Malayo ang tyansa nga ini ang magalandfall kag wala man sang derekta nga epekto sa pungsod, apang lauman nga butungon sini ang Southwest Monsoon ukon Hangin Habagat, nga makatuga sang maulanon nga panahon sa dako nga bahin sang pungsod.
