Alas-2:00 kahapon sang hapon, nakasulod na sa Philippine Area of Responsibility ang isa ka Low Pressure Area; samtang ang isa pa ka nagasunod nga LPA sa gwa sang PAR, ang nagsanyog na bilang isa ka Bagyo.
Sa latest satellite animation, ang LPA nga yara na sa sulod sang PAR ang ulihi nga nasiplatan 670 km sa nasidlangan sang Hinatuan, Surigao del Sur.
Manubo naman ang tyansa nga ini ang mangin Bagyo.
Apang bilang isa ka LPA, lauman nga ini ang makatuga sang mga pag-ulan sa pila ka bahin sang Visayas kag Mindanao umpisa karun sa gab-i.
Sa atun nga forecast track, ginalantaw nga magatabok ang LPA sa kadutaan sang Mindanao lapos sa Southern Palawan.
Wala man ginadula ang posibilidad nga matunaw ang LPA bangod sa interaction sini sa kadutaan sang Mindanao.
Sa karun nga wala pa ini nagaapekto, kag lauman gihapon ang mainit kag mapaang nga panahon sa bilog nga pungsod bangod sa Easterlies ukon ang mainit nga hangin gikan sa Dagat Pacifico.
Samtang nagsanyog na sa Tropical Depression category ukon isa ka Bagyo ang isa pa ka LPA nga namonitor sa gwa sang PAR.
Ang Bagyo ang ulihi nga nasiplatan sa 2,395 km sa nasidlangan sang Northeastern Mindanao.
Dala sini ang kabaskugon sang hangin nga nagadangat sa 55 km/h kag pagmadlos nga tubtob 70 km/h, kag ini ang nagahulag padulong sa nakatungdan nga dereksyon sa kadasigon nga 10 km/h.
Sa atun nga forecast track, ang Bagyo ang mahimo magsulod sa PAR sa Biyernes sa gab-i ukon sa Sabado.
Ini ang mahimo nga magsulod sa PAR bilang Tropical Storm category ukon mas mabaskog pa.
Sa pagsulod sa PAR, ini ang hatagan sang local name nga Bagyo CALOY, ang ikatatlo nga bagyo sa Pilipinas subong nga 2026.
May posibilidad man nga maghuyang ang Bagyo sa pagsulod sa PAR bangod sa indi paborable nga environmental conditions.
Apang wala man ginadula ang posibilidad nga ini ang magapalapit sa Eastern sections sang Pilipinas.
