Menor de edad nga nagpangawat sa Binalbagan, gintiro sang tagbalay

Padayon pa nga nagapabulong sa Corazon Locsin Montelibano Memorial Regional Hospital ang isa ka menor de edad nga naluthangan matapos nga nagtuyo kuntani nga mangawat sa isa ka balay sa Barangay Canmoros banwa sang Binalbagan kahapon sang kaagahon.

Ang biktima naga-edad sang 16 kag residente sang Barangay Progreso sang amo man nga banwa.

Sa impormasyon nga nakuha sang Bombo Radyo Bacolod, nag-upod ang biktima sa mga barkada sini kag nagtuyo nga magpangawat sa isa ka balay apang nakabugtaw ang tag-iya kag natiruhan si Matillano.

Pilas sa natuo nga dughan kag nawala nga kilid ang naangkon sang biktima nga gilayon naman gindala sa ospital.

Sa karon padayon pa ang imbestigasyon sang kapulisan sa nasambit nga insidente.