Mga involved sa pagkatumba sang poste sang NONECO kag nakapilpil sang motorista sa Cadiz City, may inisyal na nga pag-estoryahanay

May pag-esturyahanay na sa tunga sang tatlo ka involved sa natabo nga pagkatumba sang poste sa Cadiz City, Negros Occidental nga nagpatay sa 34 anyos nga lalaki.

Ang biktima ang ginkilala nga si Cyrel Batojan, residente sang brgy Cabahug, Cadiz City.

Suno kay PLt Lovella Cordova, deputy chief of police sang Cadiz City Police Station, may inisyal na nga pag-esturyahanay sa tunga sang asawa ni Batojan, sa driver sang mixer truck kag sa Northern Negros Electric Cooperative (NONECO).

Suno diri, sa ila imbestigasyon wala nasalapay sang mixer truck ang wire nga rason kun ngaa natumba ang poste.

Sa karun ginahulat pa kun ano ang mangin desisyon sang tatlo ka involved sa masunod nila nga pag-esturyahanay nga natalana sa masunod nga semana.