BACOLOD CITY – Magapaathag sa Land Transportation Franchising and Regulatory Board (LTFRB) ang mga operators nga nag-upod sa transport strike sang Pebrero 27.
Suno kay LTFRB Region 6 spokesperson Atty. Jose Marie Lamparero, magapadala sila sang show cause order sa mga operator sang mga de pampasahero nga salakyan nga nag-upod sa untat-byahe agud nga makuha ang ila rason.
Kadungan sang transport strike suno kay Lamparero, nagpalibot man sang staff ang LTFRB agud nga makuha ang data kun sanday sin-o ang nag-ugyon.
Nahibaluan nga sa idalom sang Memorandum Rircular 2011-004, indi mahimo nga maka-untat sang byahe ang mga PUJs samtang nagaprotesta sa gobyerno kag ang sin-o man nga maga-upod diri ang pagakanselahon ang prangkisa.
Sa pihak sini, aminado si Lamparero nga madugay pa ini nga legal battle kun sa diin may yara sang hearing kag sarang pa man nga maka-apela ang natungdan.
