Mga priso, ginpagwa agud mangin tagaluto, serbidor kag manugpanglimpyo sa kasal sang isa ka pulis

Kun kaisa may tawo nga kun makapungko na sa posisyon, nagawaslik man sang puder.

Sa Argentina, napamatbatan nga guilty ang isa ka police bangud sa pagpang-abuso sang iya posisyon.

Sang nagligad nga tuig, ginbuy-an sang isa ka pulis ang apat ka mga priso agud nga mag-ubra bilang magluto, magserbe kag magpaninlo sa iya kasal.

Pagkatapos sang selebrasyon, ginbalik man gilayon ang mga ini sa prisohan.

Maswerte lang bangud wala sa ila sang may nakapalagyo.

Bangud sini, ginhatagan sang lima ka bulan nga suspended prison sentence ang pulis bangud sa pag-abuso sang iya otoridad.