Nagdamo ang mga lugar nga apektado sang African Swine Fever (ASF) suno sa Bureau of Animal Industry.
Makita sa ulihi nga data nga ang ASF ang naglapta sa 32 ka mga probinsya gikan sa 22 nga ginreport sadtong Agosto 8.
May yara naman sang 458 ka mga barangay ang apektado nationwide gikan sa 251 ka mga barangay nga nauna na nga ginreport.
Ang pinakamadamo nga naapektuhan amo ang North Cotabato kun sa diin 87 ka mga barangay ang apektado, ginsundan sang Occidental Mindoro nga may 69 kag Batangas nga may 66.
Sa Luzon, 312 ka mga lugar ang ginpaidalom sa “pink zone” ukon buffer zone, samtang 98 ang yara sa Visayas kag 47 sa Mindanao.
58 ka mga lugar sa Luzon ang ginpaidalom sa yellow zones ukon under surveillance, 13 sa Visayas kag 29 sa Mindanao.
Sang tinalikdan nga semana, gin-umpisahan na ang controlled vaccination para sa ASF sa Batangas.
Suno kay Agriculture Secretary Francisco Tiu-Laurel kapin 10, 000 vaccines ang ginalauman nga mag-abot sa pungsod batok sa hog fever.
