Ginpahayag naman sang Filipino sa Houston, Texas, USA nga ang mga nagakatabo nga lapnagon nga protesta sa nagkalain-lain nga ciudad kag estado sa nasambit nga pungsod ang natural lamang bangud ang mga ini ang democrats ukon liberals nga nagapamatok sa pagpungko ni US President Donald Trump.
Sa interview sang Bombo Radyo Bacolod kay Bombo International News Correspondent Noor Moraña direkta sa Houston, Texas ang mga protesta ang wala sang kaangtanan sa ginahimo nga mga tikang sa pag-amat amat balik ni US President Donald Trump sa safer kag better America.
Suno kay Moraña, wala man sang mga public officials kaangay sang mga Congressman nga nagaupod sa mga protesta kundi ang mga nag-upod ang lunsay mga democrats lamang.
Samtang ang pagpatuman ni Trump sang 104 percent nga taripa ang bangud man sa pagpakatig-a sang China nga bawion ang 34 percent retaliatory tariff sa mga produkto nga nagikan sa America.
Suno diri may yara gid man sang epekto ang pagpatuman sang taripa bangud magasaka man ang presyo sang mga produkto nga ginabaligya sa Estados Unidos nagikan sa China.
Apektado man ang mga traders kag mga brokers bangud sa pagpatuman sang mataas nga taripa.
Suno kay Moraña, ang mga epekto ang temporaryo lamang bangud luyag lamang sang presidente nga mapabalik kun ano ang dapat nagakatabo sa mga citizen sang America.
Suno diri subong lamang nila nahibaluan nga sadto pa man ang mga pungsod ang nagapatuman na sang taripa sa mga produkto sang Estados Unidos samtang ang Estados Unidos ang nagapatuman man sang reciprocal tariff katunga sang taripa halimbawa lamang sa Vietnam nga nagapatuman sang 90 percent sa Estados Unidos kag ang mangin reciprocal tariff amo ang 45 percent.
Sa calendar year 2024 ang trade deficit sang US ang nagdangat sa masobra 1.3 trillion dollars kun sa diin lugi ang america gani ginatinguhaan ni Trump nga mabawi paagi sa taripa.
