Magapatigayon sang multilateral agreement signing si Negros Occidental Governor Eugenio Jose “Bong” Lacson agud magbakal sang bakuna para sa probinsya nagikan sa AstraZeneca Pharmaceuticals.
Suno kay Lacson, plano sang probinsya naga magprocure sang 100,000 doses sang AstraZeneca vaccines para sa 50 mil ka mga persona.
Nahibaluan nga ang kada dose ang nagabili sang P275.
Ginapahayag nga kabug-usan nga P27.5 million ang pondo sang provincial government para sa pagbakal sang COVID-19 vaccine.
Suno sa gobernador, kun mangin manami ang epekto sang AstraZeneca, magabakal liwat ang probinsya sang masunod nga batch sang bakuna kaupod ang iban nga mga local government units (LGUs) kag private sectors.
Madumduman nga una na nagpanawagan si Lacson sa iban nga mga LGUs nga may dalagko nga pondo nga magpain na sang budget para sa pagbakal sang bakuna sa ila mga pumuluyo.
Nahibaluan nga may yara man sang tripartite agreement ang Bacolod City sa AstraZeneca kun sa diin may pondo nga ginpain ang ciudad nga P300 million.
