Human error kag ini loose break ang ginalantaw nga rasun sa pagkahulog sang mini dump truck sa pil-as sa Sitio Orang, Brgy Kalamtukan, Bayawan City, Negros Oriental.
Sa interview sang Bombo Radyo Bacolod kay Police Lt Col Joeson Parallag, hepe sang Bayawan Municipal Police Station, nakita nila nga may skid mark sa dalan apang sa natuo lamang nga royda.
Ini ang wala gilayon makita bangod ang skid mark ang yara na malapit sa corner kun sa diin naglapaw ang mini dump truck imbes nga dapat sa mas mataas nga bahin sang dalan.
Ginalantaw ni Parallag nga mahimo namiscalculate sang driver ang likuan bangod sa madasig nga pagpadalagan.
Madumduman nga siyam ang napatay nga ginalakipan sang Egmedio Arnaiz samtang ang mga sakay naman amo sanday Diomedes Canoy, Kervin Andog, Larry Llamos, Ronel Cabasag, Jonathan Hamor, Jovanie Babor, Jonaryl Caguisa, lunsay mga empleyado sang City Agriculture Office – Engineering Division kag ang isa ka On the Job Training (OJT) engineering student nga si Warren Arceñas.
