Ginmando sang Department of Transportation (DoTr) nga temporaryo nga i-suspend ang pag-confiscate sang driver’s license sang mga motorista nga involved sa traffic violations.
Suno kay Transportation Secretary Giovanni Lopez, ini may kaangtanan sa direktiba ni President Ferdinand Marcos Jr. nga i-desinyo kag athagon ang mga pagsulundan sa pagdakop sang mga salawayon nga mga motorista nga ginkumpiskar ang driver’s license.
Sa isa ka memorandum nga ginpagwa sang Byernes, ginmando ni Lopez ang pagsuspend sang pagkumpiskar kag pagrepaso sang tanan nga nagakaigo nga mga isyu agud masiguro ang pagpareho sang tanan nga mga polisa.
Gin-amyendahan man ni Lopez ang mga pagsulundan sa pag-settle sang traffic apprehension cases, pagbaylo sang lead time halin sa 15 ka adlaw tubtob 15 ka working days agud mahatagan sang bastante nga tion ang gobyerno kag publiko nga magresolbar sang mga kaso.
Bangud indi pagkumpiskaron, gilayon naman nga ipaidalom sa alert ang driver’s license sang mga motorista.
Ginamanduan man ang LTO nga istrikto nga ipatuman ang automatic suspension ukon revocation sang mga lisensya pananglitan mapaslawan ang driver nga mag-settle sang kaso sa sulod sang 15 ka working days.
