Lauman ang mixed price adjustment sa presyo sang produktong petrolyo sini nga semana.
Ang fuel retailers ang nagpatuman sang rollback sa presyo sang gasolina samtang nagsaka naman ang presyo sang diesel kag kerosene.
Sa magkatuhay nga mga advisories, ang Chevron Philippines Inc. (Caltex), Flying V, Petron Corp., Seaoil Philippines Corp. kag Shell Pilipinas Corp. ang nagpatuman sang roll back sa presyo sa kada litro sang gasolina nga P0.10, samtang nagpasaka naman sang P0.20 sa diesel, kag P0.10 sa kerosene.
Samtang ang Cleanfuel kag Petro Gazz, PTT Philippines Corp, kag Unioil Petroleum Philippines Inc. ang magapatuman sang pareho nga price adjustment magluwas sa kerosene nga wala sa ila produkto.
Nangin epektibo ang price adjustment sa tanan nga firms alas-6:00 subong nga aga magluwas sa Cleanfuel nga magapatuman sang pagbag-o sa presyo alas-4:01 karun sa hapon.
