Nagpatuman ang presyo sang gatong sa una nga adlaw sang Abril.
Sa separado nga advisories ang Chevron Philippines Inc. (Caltex), Seaoil Philippines Corp. kag Shell Pilipinas Corp. ang nagpahayag nga magasaka ang kada litro sang gasolina sa P1.40 samtang P1.20 sa kada lirto sang Kerosene kag Diesel.
Magapatuman sang pareho nga adjustment ang Cleanfuel kag Petro Gazz magluwas sa Kerosene nga wala sa ila produkto.
Nagtake effect ang price adjustments alas 6:00 ang takna kaina sang aga magluwas sa Cleanfuel nga magapatuman sang price adjustment alas 4:01 ang takna karun sa hapon.
Una na nga gin-project sang Department of Energy – Oil Industry Management Bureau (DOE-OIMB) ang big-time oil price hike sini nga semana bangud sang US sanctions sa Iran kag iban pa.
