Ginkasuhan sang Quezon City Police District ang isa ka lalaki nga pulis nga nagpost sang ginaalegar pagpangbatikos sa Marcos administration sa iya social media page.
Suno sa Quezon City Police District, ginpasakaan nila sang reklamo si Patrolman Francis Steve Tallion Fontillas nga sadto naka-assign sa District Personnel and Holding Admin Section (DPHAS) antes ini nag-AWOL sang Marso 6.
Inciting to Sedition ukon paglapas sa Article 142 sang Revised Penal Code, in relation to Cybercrime Prevention Act of 2012 ang ginpasaka sang QCPD batok kay Fontillas bangud sa ginaalegar partisan post sini sa iya Facebook page.
Viral sa karun ang live video sang pulis kun sa diin ginkwestiyon sini ang pag-aresto kay former President Rodrigo Duterte.
Ginbatikos man sini ang pila ka pagmanage sang PNP sa idalum sang Marcos administration kag ginhangkat ang kaangay nga mga pulis nga magrally.
