Ginpahayag ni Quezon City Mayor Joy Belmonte nga ang mga otoridad ang indi magpatigayon sang pag-aresto sa bisan sin-o nga madakpan sang pagsunog sang effigies sa tion sang protesta sa Lunes, Hulyo 22 sa ikatatlo nga State of the Nation Address ni President Ferdinand Marcos Jr.
Santo sa report, ginbasehan ni Belmonte ang Batas Pambansa Bilang 880 ukon “The Public Assembly Act of 1985” nga nagapahayag nga ang“malicious burning” sang bisan ano nga bagay sa dalan sa sulod sang 100 meters nagikan sa lugar sang public assembly ang ginadumilian.
Suno kay Belmonte, wala sila sang arestuhon kag sa pagkamatuod, sang gintsekyar sini ang layi nga may angkatan sa pagsunog sang effigies, ang ginabasehan ang distansya.
Gani, sa sulod sang 100 meters, ginadumilian ang pagsunog sang effigy apang kun magsobra na sa 100 meters, wala na ini ginadumilian.
Suno sa report, nag-issue na si Belmonte sang permits sa mga pro-government kag anti-government groups nga magapatigayon sang protesta kag counter-protest sa adlaw sang SONA.
Ang grupo sang anti-government ang magapatigayon sang protesta malapit sa Diliman Doctors Hospital sa Commonwealth Avenue.
Samtang, ang pro-government group ang magapatigayon sang aktibidad malapit sa Sandiganbayan sa Commonwealth Avenue man.
Suno sa alkalde, ang importante lang nga indi magrally nga wala sang rally permit.
Wala man sila sang punggan nga magrally bangud may kinamatarong man ang mga ini sa freedom of expression kag freedom of assembly nga nakasaad sa Constitution.
