BACOLOD CITY — Ginkumpirmar ni Secretary Gina Lopez nga gin-relieve sini si DENR Negros Island Region Director Al Orolfo.
Sa interview sang Bombo Radyo Bacolod, ginpahayag sang tiglikom sang Department of Environment and Natural Resources nga madamo ini sang nabaton nga reklamo batok kay Orolfo rason nga iya ini ginkakas sa posisyon kag may igabulos sa iya.
Ginpabutyag ni Lopez nga luyag sini butangan sang mas maayo nga lider ang DENR-NIR bangud ang Negros isa ka matahom nga lugar kag dapat ini nga tipigan.
Samtang, wala pa sang may nabaton nga mandu si Director Orolfo nga opisyal nga nagakakas sa iya sa posisyon.
Suno kay Oroldfo, ginpahibalo ini nga may special order na tuhoy sa pag-relieve sa iya apang wala pa niya ini nabaton.
Ginrespeto naman sini ang desisyon ni Sec. Lopez sa pagkakas sa iya bangud prerogatibo niya ini bilang tiglikom sang DENR.
Si Director Orolfo ang magabalik sa ginhalinan sini nga unit nga amo ang DENR central office.
