BACOLOD CITY – Ginahingyo sang director sang Bacolod City Police Office (BCPO) ang suporta sang mga barangay officials para sa pagpatigayon sang ronda patrol sa oras sang kagab-ihon kag kaagahon kun sa diin masami naga pangbiktima ang mga kawatan ukon mga hold-uppers nga nagasakay sa mga motorsiklo.
Suno kay Police Senior Supt. Jack Wanky, ginahingyo sini ang kooperasyon sang mga barangay officials kag mga force multipliers agud mag-augment sa pwersa sang BCPO nga naga-patrolya sa ciudad, ilabi na nga masami nga naga pang-biktima sa mga “wee hours” ang mga kriminal.
Makig-angot man ini sa Land Transportation Office (LTO) para sa implementasyon sang “no plate/no travel” policy kun sa diin igadumili ang mga motorsiklo nga wala sang plate number.
Pagatsekyaron man sini ang impormasyon nga gina-release sang mga naga baligya sang motor ang mga units bisan pa nga wala pa ini sang registration.
Ang tikang sang BCPO director ang kasunod sang mga krimen nga kun sa diin masami mga suspetsado ang mga naga sakay sa motorsiklo nga wala sang registration ukon plate number.
