Nangin matawhay ang ginpatigayon nga Peace Covenant Signing para sa 2025 Midterm Elections nga ginpatigayon sa Bacolod City Police Office kahapon.
Yara nagtambong sanday Bacolod City Mayor Alfredo ‘Albee’ Benitez, former Mayor Evelio “Bing” Leonardia, Bacolod City Lone District Congressman Greg Gasataya, apang si Bacolod City Vice Mayor El Cid Familiaran naman ang nagpadulong sang timprano apang wala na nagpadugay pa bangod sa scheduled meeting.
Yara si Bacolod City Police Office Director Police Col. Joeresty Coronica kasubong man ang tanan nga station commander kag Commission on Elections (COMELEC) officers kag mga nagpapili bilang konsehal sa ciudad.
Suno kay Bacolod City Election Officer Atty Revo Sorbito, iban sa mga aspirants nag-attend kalakip ang may partido ukon ang independent man samtang may yara man sang wala natigayon nga maka-attend.
Suno diri, ang pagpartisipar sa peace covenant signing nagapakita nga committed ang tanan para sa matawhay kag malinong nga eleksyon.
Mensahe sini sa mga aspirants nga mangin responsable, magsunod sa layi kag mangin patas sa pagpangampanya.
