Nag-umpisa na kahapon ang ikaapat nga bulan sa pagpakaon sang probinsya sang Negros Occidental sa mga evacuees sang bulkan Kanlaon.
Ang budget nga gingamit ang kabahin sa gihapon sa P50 million nga ginhatag sang Malacañang.
Suno kay Negros Occidental Governor Eugenio Jose ‘Bong’ Lacson, ini na ang ikaapat nga bulan sa pagpakaon sang probinsya sa kapin sa 6,000 ka mga evacuees sang banwa sang La Castellana kag ciuad sang Bago kag La Carlota.
Suno diri, posible nga ini na ang ulihi nila nga pagpakaon sa mga evacuees gamit ang budget kag sila mahimo matapos sa ikatatlo nga semana sang bulan sang Mayo.
Kun maubos na ang budget kag wala pa sang may nag-abot nga assistance halin sa national government, sila ang magakuha sang budget sa pondo sang pribinsya.
