Kun kaisa masubo ang esturya sang mga stray animals nga nagatinir sa animal shelter kun sa diin iban sa mga ini wala mahatagan sang tsansa nga makakita sang puluy-an apang isa ka tuman ka tambok nga kuring ang nakakuha sa balatyagon sang isa ka babayi nga determinado nga mag-upod sa diet journey sini.
Si Patches, ang kuring nga nagabug-at sang 40.3 pounds kag siya ang pinakadako nga kuring sa Richmond Animal Care and Control (RACC) sa Virginia.
Nagviral si Patches sang ginpost siya sa social media para sa may luyag mag-adopt sa iya.
Apang, apisar nga preparado na si Patches para sa adoption wala sang may luyag magkuha sa iya bangod sa iya katambokon.
Apang, ginbaton ni Kay Ford ang challenge nga updan si Patches sa iya diet journey kag ginwelcome sini ang kuring sa iya puluy-an.
Sa karun padayon ang paghatag ni Ford sang update sa veterinary-supervised weight loss plan ni Patches sa paglab-ot sang goal nga mabuhinan sang 20 pounds ang kuring.
