Gin-eleher bilang bag-o nga presidente sang Negros Association of Chief Executives (NEGROS ACE) si Cadiz City Mayor Salvador ‘Bading’ Escalante Jr.
Si Escalante ang ginpili sa ginpatigayon nga general assembly sa Nature’s Village Resort sa Talisay City, Negros Occidental kahapon.
Napilian naman nga Secretary General si Pontevedra Mayor Jose Maria Alonso, Treasurer si San Enrique Mayor Jilson Tubillara, Auditor si Candoni Mayor Rey Ruiz samtang PIO naman si Himamaylan City Mayor Raymund Tongson.
Ang mga Board of Directors ang ginlakipan nanday Toboso Mayor Richard Jaojoco para sa First District, Manapla Mayor Mikaela Escalante para sa Second District, Victorias City Mayor JunB Bantug para sa Third District, Bago City Mayor Mayette Javellana para sa Fourth District, Isabela Mayor Miguel Yulo para sa Fifth District, Hinoba-an Mayor Daph Reliquias para sa Sixth District kag Mayor Greg Gasataya para sa Lone District sang Bacolod.
Napilian nga mangin Chairman of the Board si Mayor Bantug.
Pito sa 32 ka mga local chief executives sa probinsiya ang wala nakatambong nga ginalakipan nanday Talisay City Mayor Rowena Lizares, Silay City Joedith Gallego, San Carlos City Renato Gustilo, Calatrava Municipal Mayor Marilyn Era, Pulupandan Municipal Mayor Miguel Peña, Cauayan Municipal Mayor John Rey Tubillara kag Sipalay City Mayor Gina Lizares.
Suno kay Cadiz City Mayor Salvador “Bading” Escalante, maga-reach out ini sa Negros Oriental kag imaximize sini ang kooperasyon apang wala man ini nakahibalo kun paano himuon apang ini ang nga himuon.
Suno kay Escalante magahimo sila sang counterpart sa Negros Oriental kag Siquijor para sa cohesive Negros Island Region.
Suno kay Escalante, luyag sini nga tanan ang magabuligay sa paghatag sang mga opinion agud nga masolbar ang mga ginapangatubang nga problema sang probinsya kag luyag man sini nga i-replicate sa Oriental.
Suno kay Escalante, sa Negros Occidental pagabuksan ang tanan nga komunikasyon kag mag-share sang mga best practices agud indi na mabudlayan.
Suno sa alkalde, ang essence sang pagtukod sang Negros ACE kun sa diin lain ang League of Cities kag Municipalities gani gintukod ang asosasyon para isa nalang.
Ginpahayag man sini nga ang miyembro sang ACE ang mga mabakod kag ang kalabanan sa mga ini ang nagadaog sa tion nga magpare-elect.
