Nagdangat sa masobra P40.8 million ang suspected shabu nga narecover sa drug buybust operation nga ginpatigayon sa Purok 5, Barangay Sto. Niño, San Jose, Negros Oriental alas-12:33 kaina sang kaagahon.
Kun sa diin naaresto ang isa ka High-Value target.
Ang operasyon ang ginpangunahan sang Provincial Drug Enforcement Unit (PDEU) kag Provincial Intelligence Unit (PIU) sang Negros Oriental Police Provincial Office.
Ini ang napatigayon paagi sa intelligence efforts sang Regional Intelligence Division sang Police Region Office Negros Island Region, support unit sang San Jose Municipal Police Station, Philippine Drug Enforcement Agency (PDEA), NORPPO, kag PNP Drug Enforcement Group – Negros Island Region.
Ang narecover nga suspected shabu ang ginabanta nagabug-at sang anom ka kilo.
Sa karun, ginapreparar na sang otoridad ang ipasaka nga kaso batok sa suspect.
