Ginpahayag sang City Director sang Bacolod City Police Office nga nakadepende pa ang augmentation sang kapulisan sa maplastar nga mga aktibidad sa Masskara Festival 2025.
Sa interview sang Bombo Radyo Bacolod kay Police Col. Joeresty Coronica, nakapatawag na sang meeting ang Gugma Foundation, ang organiser sang Masskara Festival 2025 agud estoryahan ang preparasyon para sa nasambit nga festival.
Suno kay Coronica, antes pa man ang meeting may yara na sila sang preparasyon kun sa diin ginatsekyar na nila ang belitting areas sang mga augmentation force para sa seguridad sang Masskara Festival.
Suno diri, ginasiguro nila sa belitting areas ang personal necessities kaangay sang toilets.
Samtang ang PRO-NIR ang nakapatawag naman sang meeting para sa initial nga security plan.
Ang augmentation force ang nakadepende man sa mga aktibidad nga patigayunon.
Sang 2024 may yara sang 1500 nga augmentation force nga ginkuha ang BCPO nagikan sa Police Regional Office 6.
