Arestado ang ginapahayag nga maestro sa ginpatigayon nga joint buybust operations nga ginpangunahan sang Philippine Drug Enforcement Agency (PDEA) Regional Office Negros Island Region – Regional Special Enforcement Team sa Sitio Tap-ok, Boulevard, Brgy. Enclaro, Binalbagan, Negros Occidental sang Agosto 31, 2025 sang aga.
Ang subject person ang ginkilala kay Alyas Jof, 42 anyos, teacher kag residente sang Sitio Tap-ok Boulevard, Brgy. Enclaro Binalbagan, Negros Occidental kun sa diin ginakabig sang PDEA nga High Value Target.
Narecover diri ang siyam ka sachet sang suspected shabu kalakip na ang buybust item nga nagabug-at sang 25 grams nga ginabanta may standard drug price value nga Php 170,000.
Sa interview sang Bombo Radyo Bacolod kay Police Captain Joelan Vinzon, hepe sang Binalbagan Municipal Police Station, santo sa ila impormasyon ang subject person ang tag-iya sang resto bar kag isa man ka manunudlo.
Sa karon ang suspek magapangatubang sang mga kaso nga iya ginlapas ang Sections 5 and 11, Art. II of RA 9165 ukon Comprehensive Dangerous Drugs Act of 2002.
