Gilayon nga nagbayad partially ang AVM-Bernardo Slaughterhouse sang ila rental sa Bacolod City Government matapos ginpadal-an sang demand letter kahapon.
Madumduman nga kahapon ginpadal-an sang demand letter ang slaughterhouse bangod sa rental arrears nga P4.6 million.
Sa interview kay Bacolod City Mayor Greg Gasataya, gilayon nga nagpartial payment ang AVM-Bernardo kahapon sang hapon sa City Treasurers Office.
Ang bayad ang nagacover sang rental arrears halin Enero 2022 tubtob Agosto 2023.
Sila ang may pending pa nga balayran halin Setyembre 2023 tubtob Agosto 2025.
Sa karun wala pa naka-estorya ang alkalde sa management sang AVM-Bernardo gani wala pa ini sang idea sa ila plano sa pagbayad.
Apang nagapasalamat si Gasataya nga nagcomply gilayon ang negosyo sa ginpadala nga demand letter.
Wala paman ini nakabatun sang eksplinasyon kun ngaa wala nakabayad ang AVM-Bernardo sang ila rental fees halin 2022.
