Dako ang paglaum sang Association of Concerned Teachers Partylist nga mapasabat sang Independent Commission for Infrastructure kun sin-o ang involved sa korapsyon sa Department of Public Works and Highways (DPWH).
Madumduman nga gin-appoint ni President Ferdinand ‘bongbong’ Marcos Jr sanday former Department of Public Works and Highways (DPWH) Secretary Rogelio “Babes” Singson kag SGV Country Managing Partner Rossana Fajardo bilang miyembro sang ICI samtang si Baguio City Mayor Benjamin Magalong naman ang magaserbe bilang special adviser sang panel.
Sa interview sang Bombo Radyo Bacolod kay Antonio Tinio, dako ang expectation sang mga tawo sa ICI nga mapasabat nila kun sin-o ang yara sa likod sang korapsyon.
Apang pamangkot sini kun tubtob san-o ayhan antes may yara sang mapasakaan sang kaso kag may yara sang mapriso.
Suno kay Tinio, mahimo nga may yara pa gid sang imbestigasyon nga patigayonon ang ICI apisar nga sa karun madamo naman sang ginagiyo nga imbestigasyon nga ginasakyan na sang mga pulitiko.
Sa pihak sini, bisan nga madamo na sang pulitiko ang ginpangalanan nga involved man sa issue sa koraspyon, nagalaum si Tinio nga ang ICI wala sang santohon ukon dampigan ukon kontra agud indi magamit sang mga pulitiko ang isyu sa korapsyon agud makapangguba sa iban bisan sila mismo indi man malimpyo.
