Nakuhaan sang masobra P1 million ang balor sang suspected shabu ang duha ka lalaki sa drug buybust operation nga ginpatigayon sa Purok Cereza South, Barangay 3, Bacolod City alas-4:29 kaina sang kaagahon.
Ang subject person ang ginkilala nga si Alyas Butlog/Toto, 19 anyos, High Value Individual; kag kaupod man nga naaresto si Alyas EJ, 18 anyos lunsay mga single, wala sang trabaho kag residente sa lugar.
Ang operasyon ang ginpatigayon sang City Drug Enforcement Unit sang Bacolod City Police Office.
Narecover sa mga ini ang duha ka nakabugkos kag 10 ka heat sealed transparent plastic sachet sang suspected shabu nga ginabanta nagabug-at sang 150 grams nga may standard drug price nga P1,020,000.
Ang duha ang lunsay wala sa listahan sang Barangay Anti-Drug Abuse Council.
