Ginbuyagyag ni Senator Panfilo “Ping” Lacson ang panibag-o nga alegasyon sang ginaalegar double billing kag double collection sa mga infrastructure project sa Taguig City, kasunod sang natukiban nga nagapareho nga litrato sa gingamit nga magkatuhay nga proyekto kag isa ka slope protection project nga ginaalegar duha ka beses napondohan.
Suno kay Lacson, kalakip sa mga bag-o nga ebidensiya ang duha ka separado nga proyekto nga may lain-lain nga budget appropriation, technical description, lokasyon kag contractor apang isa lamang ka litrato ang gingamit bilang basehan sa billing.
Ginsambit man niya ang isa ka slope protection project nga may isa lamang ka lokasyon kag technical description apang ginaalegar nakabaton sang duha ka separado nga appropriations nga lunsay na-bill kag nakolekta.
Bangud sini, ginkwestyon ni Lacson kun makabig ini ayhan nga criminal acts , kag ginpahayag nga ipakit ang bug-os nga detalye kag mga ebidensya sa Office of the Ombudsman ukon sa Senate Blue Ribbon Committee sa pag-umpisa sang imbestigasyon.
Madumduman nga ginpanginwala tanan ni Senator Alan Peter Cayetano ang mga alegasyon tuhoy sa maanomaliya nga infrastructure projects sa Taguig kag ginpanindugan nga wala sang ghost projects sa ciudad gani ginhangkat niya si Lacson nga magpagwa sang ebidensya.
