Ginpasiguro sang Armed Forces of the Philippines (AFP) nga magapabilin nga mabaskog ang seguridad sang pungsod kag wala sang na-monitor nga “credible direct threat” sa teritoryo sang Pilipinas ukon sa mga pumuluyo sa tunga sang tensyon sa Middle East.
Sa isa ka opisyal nga pahayag sang AFP, hugot sila nga nakipag-angot sa Department of National Defense (DND) kag iba pa nga ahensya sang pamunuan agud bantayan kag imonitor ang sitwasyon.
Gina-abisohan man sang militar ang publiko nga magpabilin nga kalmado, mangin alerto batok sa disinformation kag magsalig lamang sa mga beripikado nga impormasyon sang gobyerno.
Nakahanda man ang AFP nga magpadala sang pwersa para sa repatriation ukon pagpapuli kag crisis response para sa mga Pilipino sa mga apektado nga lugar kun inkaso nga imando sang pamunuan.
