Ginpahayag sang isa ka complainant nga napasaka na sini sa Ombudsman kag Senado ang kaso nga ginfile sini batok sa alkalde sang banwa sang La Castellana, Negros Occidental.
Sa interview sang Bombo Radyo Bacolod kay Elvin Dela Fuente, ang tagreklamo kag anay casual employee man sa banwa sang La Castellana, nag-ugat lamang ang tanan sang ang page mismo sang banwa ang naghaboy sa iya sang indi maayo nga estorya.
Suno kay Dela Fuente, ang iya mga reklamo ang nafile na sa Ombudsman kag napasa naman sa senado.
Ginpahayag man sini nga kanday Senator Raffy Tulfo kag Senator Risa Hontiveros ang willing nga mag-imbestigar sa reklamo nga ginpahayag sini.
Aminado man ini nga casual employee lamang siya kag wala man sila naglainay ni La Castellana Mayor Rhummyla Nicor Mangilimutan antes pa ini naghalin sa banwa.
Apang natingala lamang ini nga wala lang man siya gindepensahan sang alkalde sang ginhabuyan siya sang page sang banwa sang indi maayo nga istorya.
