Ginpahayag sang city director sang Bacolod City Police Office nga padayon pa ang pagtipon sang mga kapulisan sang ebidensya agud nga makatudlo sa mga persons of interest kun sila gid man ang responsible sa pagpatay kay Pearl Joy Galve.
Sa interview sang Bombo Radyo Bacolod kay Police Col. Joeresty Coronica, ang impormasyon sa karun amo nga humalin sang nasapwan ang bangkay ni Pearl Joy sa tunga sang katubuhan sa ciudad sang La Carlota, Negros Occidental, wala naman kitaa ang stepfather nga si Rene John Nasis alias Negro.
Suno kay Coronica, ginalantaw nga may kahilabtanan ang stepfather sa krimen bangud suno diri ‘flight is an indication of guilt’.
Paathag sang BCPO Director, nga amo pa lamang ini ang impormasyon nga nakuha sang mga kapulisan.
Apang ang nasambit nga impormasyon ang nagakinahanglan sang ebidensya, nga magamit agud ini ang mapasakaan sang kaso kag maconvict.
Samtang, nagpasalig man ang BCPO Director nga ang mga kapulisan ang wala nagauntat sa paghimo sang ila katungdanan agud nga masolbar ang kaso.
Nagpanugyan man ini sa stepfather sang biktima nga ini ang mahimo magsungka sa kapulisan agud nga mapamatud-an sini kun siya ang wala sang kahilabtanan sa natabo sa biktima.
