Bangkay sang 57 anyos nga OFW sa Saudi Arabia napauli na sa Pilipinas

Natigayon nga napauli ang bangkay sang 57 anyos nga Overseas Filipino Worker sa Riyadh,Saudi Arabia.

Si Anna Marie Canlobo nagtrabaho sa Riyadh kag nagtaliwan bangod sa mga ginabatyag nga sakit kag nagtaliwan sang Agosto 6.

Nagpadulong sa estasyon sang Bombo Radyo Bacolod ang mga kabataan ni Canlobo para magpangayo sang bulig nga mapauli ang bangkay sang ila iloy diri sa ciudad sang Bacolod.

Ginpadangat kay Bacolod City Lone District Congressman Greg Gasataya ang pagpangayo sang bulig sang pamilya nga ginpadangat man sini kay Department of Migrant Workers (DMW) Secretary Hans Leo Cacdac.

Natigayon nga mapauli ang bangkay ni Canlobo sa Pilipinas sang Setyembre 2, alas- 5:30 sang aga.

Si Canlobo ang igalubong sa Setyembre 15.