Nagpasalig ang Department of Agriculture (DA) nga bastante ang supply sang karne sang baboy sa Pilipinas apisar sang bag-o nga outbreaks sang African swine fever (ASF) sa apat ka mga lugar sa Batangas.
Suno kay DA Assistant Secretary kag spokesman Arnel de Mesa, wala ini sang dako nga epekto sa supply sa Metro Manila bangud ang Central Luzon amo man ang ginakabig nga principal pork producer kag supplier.
Santo sa ulihi nga monitoring sang ahensya, ang presyo sang pork belly ang yara sa P320 kag P400 per kilo samtang ang pork shoulder naman ang yara sa P285 kag P380.
Suno kay De Mesa, nagahimo karun sang tikang ang mga local government units agud nga matapna ang outbreak kag malikawan ang paglapta sang balatian sa iban nga mga lugar.
Suno sa ahensya nga ang pagbaha nga tuga sang Bagyo Carina kag Habagat ang ginalantaw nga rason sang pagtuhaw na naman sang nasambit nga balatian sa baboy bangud primary vector sang virus ang tubig kaangay man anay sa natabo nga pagbaha sa Central Luzon.
Dugang pa sini nga indi madula ang posibilidad nga magpadayon ang outbreaks bangud wala pa sang bakuna nga ginagamit sa Pilipinas.
