Bukas ang Department of Education nga pauntaton anay ang kontrobersyal nga comprehensive sexuality education samtang ini ang ginahitso pa.
Antes ini, nakaangkon sang nagkalain-lain nga kritisismo ang ginpagwa nga polisa sang ahensya may kaangtanan diri.
Sang Martes, ginpahayag sang DepEd nga ang mando sini natuhoy sa Comprehensive Sexuality Education (CSE) ang ginapaidalum pa sa review bangud ini ang “confusing.”
Sa hearing sang Senate Committee on Basic Education, ginflag ni Sen. Sherwin Gatchalian ang inconsistency sang Department Order 31 nga nagamando sang CSE sa tanan apisar nga ang Responsible Parenthood and Reproductive Health law ang nagarequire sini para sa adolescents ukon sa mga naga-edad napulo tubtob 19-anyos.
Ginkumpirmar ni DepEd Undersecretary for Legal and Legislative Affairs Filemon Ray Javier nga ang order sa CSE ang ginapaidalum sa karun sa review.
Suno sa DepEd official, nagkasugot ang ahensya nga ang CSE ang dapat nga itudlo lamang sa mga naga-edad napulo pasaka.
