Subong nga Martes, sa atun latest satellite monitoring, may-ara sang ginamonitor nga duha ka Low Pressure Area nga parehas yara sa gwa sang Philippine Area of Responsibility.
Sa ulihi nga record alas-3:00 kaina sang kaagahon, ang isa ka LPA ang yara na sa 1,085 km sa nasidlangan sang Northeastern Mindanao.
Ini ang malapit na sa boundary sang far line kag dako ang tyansa nga magasulod na sa PAR subong nga adlaw.
Ginalantaw naman nga ang LPA ang makatuga na sang pag-ulan sa pila ka bahin sang Visayas kag Mindanao sumugod sa Huwebes sang aga.
Samtang medyo malayo naman sa PAR ang isa pa ka LPA.
Ini ang ulihi nga nasiplatan sa 2,585 km sa nasidlangan sang Northeastern Mindanao.
Dako naman ang tyansa nga ini ang mangin bagyo sa masunod nga 24 tubtob 48 oras.
Ang nasambit nga LPA ang mahimo magsulod sa PAR sa weekend.
Ini ang wala sang derekta nga mangin epekto sa pungsod sa masunod nga tatlo tubtob lima ka adlaw.
Sa karun, Easterlies ukon ang mainit nga hangin gikan sa Dagat Pacifico gihapon ang nagaapekto sa bilog nga pungsod.
Bangod sa moisture nga dala sang Easterlies, may pila ka mga lugar man nga makabatyag sang mga pag-ulan.
Apang kalabanan ang makabatyag gihapon sang mainit kag mapaang nga panahon partikular na sa udto tubtob sa hapon.
