Gin-athag sang 39-anyos nga manunudlo sa Barangay Vista Alegre, ciudad sang Bacolod nga may yara sila sang relasyon sang 13-anyos nga ginaalegar ginhimuslan sini.
Nahibaluan nga priso sa karon sa Bacolod Police Station 7 ang Grade 4 teacher matapos gin-aresto sang mga pulis sa ila balay sa Hacienda Santa Teresita, Barangay Dos Hermanas, Talisay City matapos matukiban sang iloy sang 13-anyos nga si Nene, indi matuod nga pangalan, nga ginhimuslan niya ini sa balay mismo sang bata.
Sa interview sang Bombo Radyo sa manunudlo, ginpanginwala sini nga ginhimuslan niya ang Grade 8 student kundi natandog niya ini nga may yara sang pahanugot ni Nene.
Ang relasyon sang duha nagsugod duha na ka tuig ang nakaligad matapos nadevelop ang ila balatyagon sa isa kag isa.
Ang suspetsado ang nangin manunudlo ni Nene sang Grade 4 pa ini kag bangud kumparehay man sila sang mga ginikanan sang biktima, masami ini nagabisita sa balay sang estudyante.
Bangud may yara sang problema ang suspetsado sa iya misis kag nagareklamo man si Nene sa pagka-istrikto sang iya ginikanan, ginapahayag nga nahulog ang ila balatyagon sa isa kag isa.
Ang una nga pagtandog sang suspetsado kay Nene ang natabo sa sulod sang banyo sang eskwelahan apang gin-athag sini nga wala sang penetration.
Sang tinalikdan nga adlaw, ginpasudlan niya sang tudlo ang kinatawo ni Nene apang suno diri, nadala lamang sila sa tentasyon.
