-- ADVERTISEMENT --
Ginmando ni President Ferdinand Marcos Jr sa Philippine Coast Guard (PCG) ang hugot nga pagseguro sang kaluwasan sang mga Pilipino nga mangingisda.
Ini matapos ang ginpatigayon nga water cannon sang China sa mga Pilipino nga mangingisda sa Sabrina Shoal ukon Escoda Shoal nga kabahin sang exclusive economic zone (EEZ) sang pungsod.
Suno kay Palace Press Officer Undersecretary Atty. Claire Castro, ginmando man sang presidente ang papalapta sang mga pwersa sa mga strategic locations agud nga maprotektahan ang mga mangingisda.
Madumduman nga tatlo ka mangingisda ang nasamaran bangod sa water cannon incident.
