Pinay, nalakip sa masobra 900 nga napatay sa Hajj pilgrimage sa Saudi

Ginkumpirmar sang Department of Foreign Affairs nga nalakip ang Pinay nga nabase sa Riyadh, Saudi Arabia sa masobra 900 ka mga tawo nga napatay bangud sa tuman nga kainit kadungan sang Hajj pilgrimage sa Mecca.

Suno kay DFA Undersecretary Eduardo de Vega, napatay ang Pinay nga pilgrim bangud sa heat stroke.

Sang Miyerkules, ginlubong na ang Filipino fatality.

Suno kay de Vega, may yara sang malapit 5,100 ka Pinoy pilgrims subong nga tuig.

Nagpadala naman ang DFA sang team sa Saudi Arabia agud nga magbulig sa Philippine Embassy sa pagmonitor kag pag-assist sa Hajj pilgrims.