Nagsanyog sa Severe Tropical Storm category ang Bagyo DOMENG alas-8:00 kagab-i.
Alas-3:00 kaina sang kaagahon, ini ang ulihi nga nasiplatan sa 980 km sa nasidlangan sang Northern Luzon.
Dala sini ang hangin nga may kabaskugon nga nagadangat sa 95 km/h kag pagmadlos nga tubtob 115 km/h.
Samtang ang Bagyo ang nagahulag sa West Northwestward nga dereksyon sa kadasigon nga 15 km/h samtang yara sa Philippine Sea.
Ang Trough ukon ikog sang Severe Tropical Storm DOMENG ang magapaulan sa Bicol Region, Batanes, Ilocos Norte, Apayao, Cagayan, Quezon, Northern Samar, Eastern Samar, kag Samar.
Samtang mangin maulanon man ang panahon sa MIMAROPA, Western Visayas, Negros Island Region, Zamboanga Peninsula, SOCCSKSARGEN, BARMM, Batangas, kag Lanao del Norte nga apektado naman sang Southwesterly Windflow ukon una nga huyop sang Hangin Habagat, nga ginapabaskog pa sang Bagyo.
Ang mga pag-ulan nga dulot sang nasambit nga mga weather conditions ang sarang makatuga sang mga pagbaha ukon landslides.
Samtang sa forecast track sang Severe Tropical Storm DOMENG, ini ang ginalauman nga magaliko sa Northwestward nga dereksyon subong nga aga ukon karun sa hapon kag magapabilin sa banas tubtob sa Domingo.
Samtang ini ang magarecurve naman kag magaderetso na padulong sa Southern Japan.
Manubo naman ang posibilidad nga ini ang magalandfall.
Ini ang ginalantaw nga magabaskog pa kag magadangat sa Typhoon category karun sa gab-i ukon bwas sa aga, samtang yara sa Philippine Sea.
Ang Bagyo DOMENG ang ginalantaw nga maggwa sa Philippine Area of Responsibility sa Lunes.
