Ginpahayag ni Vice President Sara Duterte kadungan sa una nga anibersaryo sang pag-priso kay Former President Rodrigo Duterte sa International Criminal Court, ang seryoso nga pahanumdom nga ang layi ang indi dapat gamiton para sa personal ukon political interest.
Suno diri, ang insidente ang nagtakos sa lebel sang demokrasya sa pungsod kasubong man sa commitment sang gobyerno sa due process.
Pahanumdom sang Bise Presidente nga ang matuod nga hilway nga pungsod, ang dapat ginapamunuan sang institusyon nga naga-operate nga independent kag wala sang external interference.
Pahayag sini nga bilang Pilipino, ang paglapak sa kinamatarong sang isa ka indibidwal paagi sa irregular nga proseso ang indi lamang pag-atake sa hustisya, ini ang pagpanghangkat man sa soberanya sang pungsod.
Gintindugan ni VP Sara nga “extraordinary rendition ukon kidnapping” ang nangin pag-aresto sa iya amay.
Nagpanawagan man ini sa mga Pilipino nga magpabilin nga mabinantayon.
Suno diri, ang gobyerno ang dapat magpabilin nga indipendent, tampad, kag mabakod batok sa mga pagpanghangkat nga tuyo magbali sang layi.
