Masobra P1.1M nga balor sang suspected shabu, narecover sa 26 anyos nga lalaki sa Prk Sigay, Brgy 2, Bacolod City kaina sang kaagahon

Narecover ang masobra P1.1 million nga balor sang suspected shabu sa drug buybust operation nga ginpatigayon sa Purok Sigay, Barangay 2, Bacolod City alas-4:17 kaina sang kaagahon.

Ang subject person ang ginkilala nga si Emilio Panadero Alyas Emil ukon Yen-yen, 29 anyos, single, wala sang trabaho, residente sang Prk Masagana, Brgy 6, Bacolod City.

Ang operasyon ang ginpatigayon sang City Drug Enforcement Unit sang Bacolod City Police Office (BCPO-CDEU).

Narecover kay Panadero ang anom ka plastic sachet kag tatlo ka plastic bag sang suspected shabu nga ginabanta nagabug-at sang 170 grams kag may standard drug price nga P1,156,000.