-- ADVERTISEMENT --

Na-intercept sang Philippine National Police Maritime Group ang kapin sa 147 ka boxes sang smuggled cigarettes sa Old Bacolod Airport sa Brgy. Tangub, Bacolod City kapin alas- 5:30 kaina sang aga.

Sa interview sang Bombo Radyo kay Police Major Karl Bonilla, acting deputy commander sang PNP Maritime Group, nagapatigayon sila sang seaborne patrol matapos nga makabaton sang impormasyon nga may yara sang gina-ariya nga smuggled cigarettes sa area.

Suno diri, may nakit-an sila nga pump boat kag sa ila pagpalapit didto na nakita ang mga box sang sigarilyo.

Nadakpan ang tatlo ka nag-ariya samtang nakapalagyo naman ang kapin sa 10 ka iban pa matapos nga gin-utod nila ang kalat nga nagahigot sa ila kumpit.

Ang mga nadakpan ang ginkilala nga sanday Sibang Sali Sadjari, 38 anyos; Husaim Arram Ajibon, 43 anyos; kag Alsidi Umran Isnani, 29 anyos, lunsay mga residente sang Mindanao kag temporaryo nagatinir sa Bacolod City.

-- ADVERTISEMENT --

Nakumpiskar ang kapin sa 147 boxes sang smuggled cigarettes nga ginbanta nagabalor sang P8.3 million kun sa diin nagabalor sang P114 ang kada pakete.

Apang suno kay Bonilla, ang 147 ka box ang katunga pa lang sang ila inug-ariya.

Ang tatlo ka mga nadakpan ang magapangatubang sang kaso sa pagbayolar sa Republic Act No. 10863 ukon Customs Modernization and Tariff Act kag Republic Act No. 10643 ukon Graphic Health Warnings Law.