Pormal na nga ginlunsar kahapon ang SAFE NIR Dial 911 sa Bacolod City nga nagatuyo nga mapadasig ang pagresponde sang mga otoridad sa mga emerhensya sa bug-os nga Negros Island Region (NIR).
Sa interview sang Bombo Radyo kay PCOL Eugene Rebadomia, Director sang Bacolod City Police Office (BCPO), ginpaathag sini nga diri sa ciudad sang Bacolod ginlunsar bangud isa ini ka highly urbanized city sa bug-os nga NIR.
Suno diri, 127 pa lamang ka mga tawag ang nabaton sa emergency hotline halin sang Enero tubtob Mayo, 2026 apang ginalauman sini nga madugangan pa bangud sa amo nga programa.
Ginalauman man ni Rebadomia nga magnubo ang krimen sa rehiyon bangud sa mas madasig kag episyente nga pagresponde sa mga insidente.
Pahayag sini nga naghatag sang suporta sa si Bacolod City Lone District Alfredo ‘Albee’ Benitez, Mayor Greg Gasataya, stakeholders, transport groups, mga eskwelahan kag iban pa nga nag-upod sa paglunsar sang SAFE NIR Dial 911.
