Ginpili ni Bacolod City Mayor Greg Gasataya nga asikasuhon ang accreditation schedule sang Bacolod City College (BCC) imbes nga magtambong sa ikalima nga State of the Nation Address (SONA) ni President Ferdinand Marcos Jr.
Sa flag ceremony sa Bacolod City Government Center, ginpahayag sang alkalde nga importante para sa palaabuton nga ma-aprubahan ang accreditation sang BCC agud mangin State University.
Si Bacolod City Vice Mayor Claudio Jesus Puentevella kag iban nga mga konsehal ang nagpadulong naman sa Quezon City para magtambong sa SONA.
Ini bangod natabuan nga subong man nga adlaw magapatigayon sang inspection kag accreditation sa BCC ang Association of Local Colleges and Universities Commission on Accreditation (ALCUCOA).
Nahibaluan nga madugay na nga ginahulat nga mangin State University ang BCC.
Pinaagi sini, magadagdag sang dugang nga budget ang National Government para sa buluthuan, nga nagakahulugan sang pagdugang sa pasilidad kag enrollees.
1,154 ang mga graduates sa Class of 2026, nga limitado lamang bangod sa gamay nga budget, kakulangan sa pasilidad, kag kakulangan sang manunudlo.
Gani sa pagsaka sang status sang eskwelahan, lauman man ang development nga magapadamo pa sang pasilidad, professors, kag magapadamo man sang enrollees nga sarang macater nga makonsiderar scholar sang gobyerno.
