Nagdangat sa masobra P900,000 ang balor sang halit sa nasunog nga balay sa Bangga Cory, Brgy. Taculing, ciudad sang Bacolod, kahapon, August 7.
Sa interview sang Bombo Radyo Bacolod kay Fire Supt. Jenny Mae Masip, fire marshal sang Bacolod City Fire Station, alas- 3:06 sang hapon nakabaton sila sang tawag gikan sa Bacolod Traffic Authority Office angot sa sunog nga nagluntad.
Gilayon man nga nagresponder ang BFP sa pagpalong sang kalayo.
Partially damaged ang balay nga ginapanag-iyahan ni Diana Arricibita bangod nga wala na nalab-ot ang underground sini apang ang ibabaw nga may lima ka kwarto ang lunsay gid nasunog.
Sa lima ka kwarto, duha diri ang ginarentahan kag isa diri ang ginhalinan sang sunog.
Suno sa fire marshal, padayon pa ang imbestigasyon sa ginhalinan sang kalayo.
