Isa ka Kandidato nga mag padalagan bilang alkalde sang Himamaylan gin agawan sang Certificate of Candidacy (COC) kaina sang Aga Oktobre 8, sa ciudad sang Himamaylan Negros Occidental.
Sa interview sang Bombo Radyo kay Engineer Vicente Genova mayoralty cindidate, naga-pamanglakaton si Genova, sa Vallega street, padulong kung tani sa Comelec Office agud mag file sang iya nga kandedatora, bitbit sini ang isa ka folder nga ang unod amo ang COC sini sang hinali lang gin agaw sang isa ka lalaki nga naka duag itom kag naka kalo ang folder ni Genova.
Apang nahingagaw man agaw sang kaupod ni Genova ang folder sa wala makilala-an nga mga lalaki.
Nag amat-amat atras ang duha ka mga lalaki kag gilayon man nag palagyo.
Napa-blotter naman sa kapulisan tuhoy sa incidente nga natabo.
Dugang pa ni Genova, nga wala ini sang ideya kung ano ang rason kag kung sin-o ang mga lalaki nga nag agaw sang iya nga folder apisar nga wala man ini sang kuntra.
Gina-tugyan nalang sa mga kapulisan ang imbestigasyon.
