Nangin matawhay ang pagbukas sang klase kahapon sa bug-os nga ciudad sang Bacolod kag probinsya sang Negros Occidental.
Sa interview sang Bombo Radyo Bacolod kay Police Col. Joeresty Coronica, officer in charge sang Bacolod City Police Office, ila ginbantayan ang mga buluthuan kag ang lakat sang trapiko sa pagbukas sang klase.
Suno diri, may mga gindeploy nga mga pulis, kag mga enforcers sang Bacolod Traffic Authority Office kag miyembro sang Public Order and Safety Office (Poso).
Samtang, bangod nga may iban pa nga wala nakaumpisa sang klase, suno kay Coronica lauman nga mas magbug-at pa gid ang lakat sang trapiko apang nagpasalig man ini nga dugangan ang igadeploy nga police personnel kag enforcers.
Samatng, nangin matawhay kag wala sang untoward incidents nga nagluntad sa bug-os nga probisnya sa una nga adlaw sang klase.
Sa interview sang Bombo Radyo Bacolod kay Police Captain Wilma Silva, spokesperson sang Negros Occidental Police Provincial Office (NOCPPO), 264 ka police personnel kag kapin sa 300 force mutipliers ang gindelpoy para magbantay kasubong man nga 99 ka police assistance desk ang ginhamtang sa nagkalain-lain nga area sa probinsya.
Suno diri, dako ang pagpasalamat sini sa pagkooperar sang tanan nga natigayon ang matawhay nga opening sang klase.
