Ginpahayag ni President Ferdinand ‘Bong Bong’ Marcos Jr nga wala na kun tani nagdako pa ang gamo kun nagsabat lamang sang insakto kag matuod si Vice President Sara Duterte sa inquiry sang House of Representative kag Senate.
Santo sa ginpagwa nga video sang presidente, naghambal ini nga ginakabalaka sini ang mga pahayag ni Duterte nga may pagpamuyayaw kag plano sang pagpatay sang tawo.
Suno kay Marcos, wala na kuntani nagdako pa ang gamo kun nagsabat si Duterte sang insakto kag matuod sa mga pamangkot sa iya sang House of Representative kag Senado.
Suno pa diri, imbes nga magsabat sang deretso, ang ginhimo sang bise presidente amo ang ‘chichirya’ nga panabat.
Pahayag sang presidente, luyag sini nga matapos ang tanan nga matawhay kag may kamatuoran.
Samtang, gindoble na sang Presidential Security Command (PSC) ang seguridad sang presidente kasunod sa mga pahayag ni Duterte nga nagkuha ini sang assassin para magpatay kay First Lady Liza Araneta-Marcos, Speaker Martin Romualdez, kag sa presidente mismo pananglitan nga siya ang patyon sa sugo ni Marcos.
